elamera
● مسـتشـار إٌداري ●
عدد المساهمات : 713
نقاط : 1352
تاريخ التسجيل : 09/08/2011
الموقع : احلى منتدى
 | موضوع: أفضل نكت علي الريس ...  الأحد أغسطس 21, 2011 6:25 pm | |
| النكتة رقم - 1 -
يقال ان السيد الرئيس كان مسافرا ذات مرة و راكبا الطائرة
فرأى مصر من فوووق اوى و شاهد خطوطا طويلة سوداء تملأ مصر كلها
فسأل رئيس وزرائه :
- ايه يا نظيف ده ؟ ايه الخطوط السوداء ديه ؟
- دى طوابير يا فندم ! طوابير عيش !
- ايه ده ! هو الشعب لسه معاه يشترى عيش
----------------------------------------------------------------
بيقولك ايه
واحد راح يشترى سمك
قال لبتاع السمك
عايز اتنين كيلو
بكام
رد بتاع السمك
وقاله 80 جنيه
الراجل اتصدم وقال
الله يخرب بيتك يا محسن
بليل
امن الدولة خد الراجل من حضن ولادة
والصبح بيتعرض على وكيل النيابة
فبيسال الضابط
الراجل ده تهمته ايه
قال
ميعرفش اسم رئيس الجمهورية كويس
-------------------------------------------------------------------
مره حسنى ونضيف حبوا يتوبوا فراحوا لشيخ يسألوه نعمل ايه؟
وكان معاهم علاء ماشى
الشيخ قالهم كل واحد يلف حوالين الكعبه بعدد الملايين اللى سرقها فسونه لف
30مره ونضيف قعد يلف 50 مره فلما راح يقعد حسنى بيقوله حرام عليك خمسين
مليون ياخى دا حرام
قاله بص قوم شوف ابنك اللى قاعد يلف بموتيسيكل من ساعة مجه
----------------------------------------------------------------------
مره واحد مصرى راح يصطاد قعد لحد مجاب سمكه كبيره واخدها وراح البيت فرحان
اوى وقال لمراته اقليها قالت له منين الزيت غلى خالص ومعنديش
قالها طب اشويها قالت له منين الدقيق بقه نار
فالراجل اتغاظ وقام اخد السمكه وراح رماها فى البحر تانى قامت السمكه قاعده تجرى وتقول
تحيا جمهورية مصر العربيه
-----------------------------------------------------------------------------
مره مبارك راح لوزير الاسكان قاله:معلش عايز منك خدمه.قاله اامر .قاله علاء ابنى عايز شقه يصيف فيها فى الاسكندريه .قاله علم وينفذ
بعد شويه فى الشتا جاله قاله عايز منك خدمه.قاله اامر.قاله علاء ابنى عايز شقه فى اسوان يشتى فيها .قاله علم وينفذ
بعد كام شهر جاله تانى قاله عايز منك خدمه.قاله اامر. قاله علاء ابنى عايز يفتح الشقتين على بعض . ههههههه
---------------------------------------------------------------------------------
مبارك حب يكمن على الرعية .. أمر انه ينزل جنينة الحيوانات فجأه ..فراح عند
النمر سأله ايه رأيك يا نمر فى عهدى .. النمر قاله يا ريس بتوع الجنينة
بيسرقوا اللحمة ويكلوها .. وزى ما انت شايف حالى متأخر ..
امر الريس بإعدامه ..
راح عند الاسد .. شرحه ... .. إعدموه ..
القرد شاف كده وعارف انه لو قال الحقيقة ها يتعدم
سأله مبارك ايه رأيك يا قرد فى عى عهدى .. بفطانة القرد نافقه وقال له مافيش بعد كده يا ريس
دول حتى بيجبوا لى الموز من الصومال ...
مبارك قاله طالما انك مبسوط يا قرد إرقص وإعمل لنا عجين الفلاحة
هنا القرد بصراحه غلب عليه طبعه وعبر عن شعوره بمنتهى الصراحه
وقال له .. تك ستين نيله هو فيه دقيق للفلاحة تعجن ...
--------------------------------------------------------------
مرة كمال الجنزورى جه للريس بعد ما شاله من الوزارة
فقاله:ياريس ممكن تقولى شلتنى ليه؟؟
رد الريس وقاله: ياكمال ياحبيبى التغيير سنة الحياة..
قاله طب شلت وزير المواصلات ليه؟؟
قاله :ياكمال ياحبيبى أنا قلت لك ان التغيير سنة الحياة..
قاله طب ممكن أسأل سؤال ياريس..
قاله :إسأل.
قاله:ليه أنت الوحيد اللى مش بتتغير..
رد الريس وقاله: لأن تغييركم أنتوا سنة إنما وجودى أنا فرض..
-----------------------------------------------------------------------
حسني مبارك بيخطب في الشعب فا كل شويه واحد يقوم ويقول:
عاش حسني مبارك موحد الاديان.. ويقعد..
يروح حسني مكمل كلامه وشويه ويقوم الراجل ويقول :
عاش حسني مبارك موحد الاديان..
فا اتمسك امن دوله وطااااااااخ ويقولوله ايه الي انت بتقوله دا ..
ازاي موجد الاديان دي مصر فيها مسيحين ويهود ومسلمين وطااااااخ ..
فردعليهم
يا باشا ماهوه الي مكفرنا كلنا ..
------------------------------------------------------------------------
مرة واحد ركب تاكسي ولقي السواق معلق في العربية صور جمال عبد الناصر وانور السادات وحسني مبارك
الراجل استغرب سال السواق مين اللي انت معلقهم صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا حسني مبارك أبو علاء شريكي في التاكسي
---------------------------------------------------------------------------
بيسألوا أنور السادات بعد مامات ياريس ندفنوك بالطول ولا بالعرض
قال أدفنونى بالطول كفاية أللى شفته فى العرض
-------------------------------------------------------------------------
واحد في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الرئيس حسنى مبارك خطفوه و الفدية 5مليون دولار
و لو الفدية ماتدفعتش ....
الخاطفين هددوا يدلقوا
عليه بنزين و يولعوا فيه .....
و احنا بنجمع تبرعات ...... تحب تشارك ؟ ؟؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين
---------------------------------------------------------------------------
مره واحد لقى فانوس فقعد يدعك فيه طلع العفريت سرق التلاجه ودخل
فدعكه تانى طلع سرق التلفزيون ودخل
فدعكه تالت طلع سرق البوتجاز ودخل
فدعكه رابع اول ماطلع مسكه
قاله تعالا هنا كان زمان الواحد يدعك الفانوس يقوله شبيك لبيك انت بتطلع
تسر قنى قاله يا حبيبى التانى فانوس علاء الدين لكن ده فانوس علاء مبارك
-----------------------------------------------------------------------------
مبارك كان في زياره لدوله عربيه وواقف مع رئيسها في بلكونه قصره
فمبارك بيقوله( انت بتجيب الفلوس اللي عندك دي كلها منين )
قاله بص شايف الكوبري اللي هناك ده
مبارك (اه)
قاله اتكلف 100مليون وقلت انه اتكلف مليار وهاكذا
بعدها بسنه الرئيس ده جه مصر
وهو واقف مع مبارك في بلكونه قصره ساله يا مبارك بتجيب فلوسك منين
مبارك (شايف الكوبري اللي هناك ده)
قاله مفيش كوبري اساسا
مبارك( اهو ده بقي اتكلف 2 مليار)
----------------------------------------------------------------------------
مره حسنى مبارك راح مدرسه ابتدائى فلما جت فتره الاسئله ولد رفع ايده
مبارك ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع أسئلة
1- ليه انت رئيس بقالك كتيررر ؟
2- لسه معينتش نائب ؟
3- ليه ولادك ماسكين كل حاجه فى البلد ؟
4- ليه مصر حالتها الاقتصاديه زفت و انت مبتعملش حاجه؟
ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟
مين عنده سؤال؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اسئله
1- ليه انت رئيس بقالك كتيرر ؟
2- لسه معينتش نائب ؟
3- ليه ولادك ماسكين كل حاجه فى البلد ؟
4- ليه مصر حالتها الاقتصاديه زفت و انت مبتعملش حاجه؟
5- ليه جرس الراحه رن ربع ساعه بدرى ؟
6- وبعدين فين رامى ؟؟؟؟؟؟
-------------------------------------------------------------------
الريس مرة كان قاعد مع ابليس بيقوله شوف حاجة جديدة اعملها فى الشعب قاله طيب قرب ودنك ووشوشه : وش وش وش وش
الريس قاله ايه لعب العيال ده ده ما ينفعش
ابليس قاله طيب قرب : وش وش وش وش
الريس قاله : لا يا ابليس انت مش نافع خالص تعال اقولك انا عملت فى الشعب ايه قرب : وش وش وش وش
ابليس قاله : يا راجل اتقى الله
-----------------------------------------------------------------------------
خد دى
بيقولك حسنى ونظيف اتنكروا ونزلوا الشارع
ركبوا تاكسى فحسنى سئل السواق اية رئيك فى جمال عبد الناصروالسادات وحسنى مبارك
الة الاول صعب
الثانى بتاع انفتاح
التالت ابن كلب
قام حسنى قالع القناع
مسك السواق الفتيس وقال
الرابع ما بينقلش والخامس معلق ومافيش سادس
|
|
|
| |
|
Mahmoud Brosly
● مــشرف عـام ●
عدد المساهمات : 110
نقاط : 144
تاريخ التسجيل : 10/08/2011
العمر : 27
الموقع : بنها
| | موضوع: رد: أفضل نكت علي الريس ... السبت نوفمبر 19, 2011 1:21 am | |
| | |
|
